الغرامات: إمتى تتخصم ضريبيا وإمتى تترفض؟؟؟

💥 الغرامات: إمتى تتخصم ضريبيا وإمتى تترفض؟؟؟💥

📌ناس كتير بتحط الغرامات ضمن المصروفات عادي…
وبعد كده تتصدم في الفحص الضريبي 😳
لأن مش كل الغرامات مسموح بخصمها

⚠️ القانون فرّق بوضوح بين نوعين:

1- غرامات لا تُخصم ضريبيًا
دي الغرامات اللي ناتجة عن:
🔹️️جرائم
🔹️جنح
🔹️مخالفات قانونية جسيمة أو متعمدة
📌 أمثلة واضحة:
❌ غرامة تهرب ضريبي
❌ غرامة تهريب جمركي
❌ غرامة جنائية
❌ مخالفة قانونية كبيرة (متعمدة)
📌 النتيجة الضريبية:
المصروف ده مرفوض
ويتضاف على الربح المحاسبي للوصول للربح الضريبي 💰

2-غرامات تُخصم ضريبا (إدارية وتجارية)
دي الغرامات اللي بتحصل في سياق النشاط الطبيعي للشركة 👨‍💼📦
وغالبا بتكون نتيجة:
📌 تأخير
📌 شرط جزائي
📌 التزامات تعاقدية

✅ أمثلة شائعة:
✔️ غرامة تأخير توريد
✔️ شرط جزائي في عقد توريد
✔️ غرامة تأخير تسليم بضاعة
✔️ غرامة تأخير سداد لمورد
📌 النتيجة الضريبية:
تعتبر مصروف مرتبط بالنشاط
وتُخصم ضمن التكاليف 💼✅

🧾 مثال عملي (عشان الصورة تبقى واضحة)
شركة النور عندها:
🔹 شرط جزائي تأخير توريد = 40,000 جنيه
🔹 غرامة تهرب ضريبي = 120,000 جنيه

📌 ضريبيا:
✅ الـ 40,000 = تُخصم
❌ الـ 120,000 = تُرفض وتُضاف للربح الضريبي

🎯 يعني لو الشركة سجلت الاتنين كمصروفات…
هتتفاجأ في الفحص بضريبة أعلى 😤💸

🔔 الخلاصة
📌 الغرامات نوعين:
✅ تجارية وإدارية = تُخصم
❌ جنائية/تهرب/مخالفة جسيمة = تُرفض