ايه الفرق بين الفاتوره الإلكترونية والايصال الالكتروني
- الفاتوره الالكترونيه
مستند حضرتك بتصدره من بورتال المصلحه لشركه ليها كيان بتتعامل برقم تسجيل ضريبي وسجل تجاري طبعا اول محضرتك بتصدر الفاتوره دي بتظهر تلقائيا علي حساب المشتري الي اشتري منك البضاعه ومن حقه يرفضها ومن حقك تعترض علي الرفض وبتكون موقعه عن طريق الختم الالكتروني .
- الايصال الالكتروني
مستند ميتخلفش عن شكل الفاتوره لكن بيتم اصداره من نقطه بيع وبيكون لمستهلك نهائي فقط يعني زي الممولين الي بتصدر فواتير لنون وامازون وسوق او مبيعات برقم قومي يبقي لازم تصدر ايصالات فقط لكن في اختلاف بسيط اني الايصال مبيتلغيش زي الفاتوره ولكن ليه أشعار مرتجع تقدر تعمله بقيمه الايصال.
طرق التسجيل
- المصلحه موفره ثلاث طرق للتسجيل والاصدار لازم حضرتك تكون مسجل علي بورتال الفاتوره الالكترونيه ومفعل اوبشن الايصال الالكتروني
اولا
1 طريقه الاصدار الأولي عن طريق شراء ماكينه ايصال الالكتروني pos
ودي تروح الخزانه العامه تشتريها ولو انت مسجل في النظام المبسط ممكن تقدم عليها مجانا
- عن طريق erp سييتم حضرتك بتشتري برنامج من شركه برمجيات خاص بالايصال الالكتروني وتربطه عن طريق اضافه نقطه بيع علي البورتال وطبعا عشان تقدم لازم تدخل علي موقع https://pos.eta.gov.eg/ بتسجل حساب للشركه وبتسجل كمان عنوان الفرع الي هينزل المعاينة عليه وطبعا المعاينه بتاخد اسم البرنامج الي حضرتك هتشتغل عليه وسريال الجهاز الي هيتم الاصدار من عليه الايصال بعد الموافقه.. كدة مبروك ادخل علي البورتال واعمل اضافه نقطه بيع واختار اسم البرنامج الي كتبته في المعاينه هيظهر ليك Clint id – scrit id طبعا دول زي اليوزنيم والباسورد الخاصه بيك هتسجل بيهم دخول علي السيستم الي حضرتك اشتريته وكدة تقدر تصدر ايصالات الكترونيه
3.الطريقه الثالثه عن طريق تحميل برنامج المصلحه الرسمي ودا اللينك بتاعه تقدر تسطبه علي المحمول
https://play.google.com/store/apps/details?id=eg.gov.eta.einvoicing&pcampaignid=web_share
طبعا بعد متفتح ادخل باليوزنيم والباسورد الخاص لحضرتك وتعمل تفعيل نقطه بيع وتكمل وتقدر تصدر من خلاله اي عدد ايصالات طب لو ملقتش تفعيل نقطه بيع في البرنامج يبقي لازم تدخل البورتال وتعمل تفعيل من حساب حضرتك ام لو لقيتها غير نشطه تطلع علي الخزانه العامه تعمل تفعيل للايصال الالكتروني هتظهر معاك وكمل
